Minister ecuatoriano cu a ofrece Aruba crudo mas barata, a retira y ta bou investigacion

QUITO – Apenas un siman despues cu minister di energia di Aruba Glenbert Croes a bolbe di su biahe pa Ecuador pa busca Heavy Fuel Oil mas barata pa Aruba, (awe ainda noticiacla a cuestiona cu tin hopi pregunta ainda pa cu e deal na caminda aki:Red), e minister ecuatoriano cu cual Croes a trata, ta bou di investigacion di husticia pa cual e mester a retira. Varios medio di e pais andino ta r. Ta trata di e awor ex minister Xavier Vera, cu a aparece riba potret cu Glenbert Croes, dispuesto pa bende HFO cu Aruba mas barata. E pregunta ta si e deal cu e minister di Aruba a cera, por continua awor of ta un deal cu a keda ‘na arroz y coco”. 

ENTRADA HUDICIAL

Apenas diahuebs, ayera (October 27, 2022), autoridad ecuatoriano a haci un entrada hudicial na cas di e mandatario, y confisca un cantidad di cos di e persona aki, relaciona cu un investigacion contra e persona aki pa actonan coruptivo. Varios medio ecuatoriano a raporta e noticia di e renuncia di Vera, cual renuncia e presidente Guillermo Lasso a acepta. Un declaracion interesante haci tabata esaki esta “Buena fe ta presumi, y mala fe ta prueba”, e minister Fransico Jimenez a bisa di e caso aki. 

APENAS DEN FUNCION

Mas informacion ta bisa cu e ex mandatario di Energia y Minas, tabata apenas 6 luna den funcion y for di momento di su entrada, tabatin un serio di denuncia contra su forma di traha, entre nan, tratonan cu companianan creando conflict di interes. Esaki ta un noticia den proceso.