Partidonan MAS y ACCION21 a pidi reunion publico riba cambio di BBO na 2023

ORANJESTAD – Fraccionnan di partido politico MAS y ACCION21 a pidi un reunion publico pa ministernan di e gabinete Wever Croes duna cuenta riba e cambio di BBO pa 2023. Segun e lider di partido MAS, Marisol Lopez Tromp, ‘a para bira custumber di cierto Ministernan di Gabinete Wever Croes pa haci anuncionan importante, drastico y cu consequencianan financiero ( cu no ta segun palabrashonnan hasi of acuerdonan sera) den nan rueda di prensa semanal, pero nan no ta bin responsabilisa nan desishon den reunion publico na Parlamento pa informa den placa chikito pa Pueblo por haña contesta riba su preocupacionnan’. Segun e parlamentario, consequentemente e debatenan ta tuma lugar tur caminda, menos den Parlamento su Openbare Vergadering. “Pesey fraccionnan di MAS y ACCION21 a pidi reunion publico riba e desishon di Gobierno tocante di BBO” e parlamentario a sigui bisa. Por lesa e carta AKI.