ATA Europa: Bishitantenan for di Hulanda pa Aruba a aumenta cu 11%

AMSTERDAM – Tin 11% mas turista di Hulanda bishitando Aruba. Asina oficina di turismo di Aruba for di Hulanda ta raporta. For di Hulanda tabatin 35.456 bishitante vacacional a bishita Aruba e aña aki te awor. Na 2019 den e mesun periodo tabatin31.735 bishitante. Pues esey ta un aumento di 11% compara cu 2019. Den September di e aña aki, 3.426 hulandes a biaha pa Aruba.  

AUMENTO DI TURISMO

Segun e area director Europe ATA Tirso Tromp, e cantidad di turista cu ta keda hospeda ta sigui aumenta, tambe fr di Hulanda. “Nos ta premira, si cos sigui asina, cu nos lo tin un recuperacion mas stabil cu den 2021 y nos ta hopi orguyoso riba esey” Tromp ta sigui bisa.  

Esaki ta grandemente debi cu Aruba ta colma cu actividadnan manera antes. For di e festival Bon Bini, Aruba Art Fair y Aruba Open Beach Tennis Tournament, y pa no lubida carnaval cu ta inaugural e temporada dia 11 di November. “Tin mas cu suficiente motibo pa bishita Aruba” Tromp ta finalisa bisando.