Parlamento Hulandes a suspende un miembro pa un siman

DEN HAAG – Parlamento Hulandes a suspende un di su miembronan pa un siman. Ta trata di e lider di partido Forum voor Democratie (FvD) Thierry Baudet. E suspension ta pasobra e no a entrega su ‘trabounan’ pafo di Parlamento corectamente. Durante e suspension e no por participa den debatenan, pero por vota si. E suspension ta dura te cu otro siman diamars. Otro siman Parlamento Hulandes ta bay cu reces, pues Baudet ta perde dos reunion. Un total di 119 Parlamentario a vota pro, y 2 a vota contra. Partidonan FvD y PVV como protesta a bandona sala. Partidoan VVD, D66, CDA, ChristenUnie, GroenLinks, PvdA, Partij voor de Dieren y Volt a vota pa e suspension. Tur Parlamentario tin cu registra nan ‘otro trabounan’ den un registro di Parlamento Hulandes (Tweede Kamer). Den e registro nan tin cu bisa cua otro funcion nan tin y cuanto nan a gana cu esey.  Fuera di suspension, no tin otro sancion contra un Parlamentario Hulandes.