Diadomingo MEP ta re-eligi su lider Evelyn Wever durante congreso

ORANJESTAD – Diadomingo awor, 30 di october  durante e proximo congreso di partido MEP, lo re-eligi e lider actual Evelyn Wever Croes pa 4 aña mas. Dialuna den un conferencia di prensa di e partido, esaki a keda confirma. E congreso ta parti di un dia di evento di e partido, unda cu fuera di congreso, lo tin un dia di famia, expo y rifa di e partido. E evento total ta entre 4 di atardi pa  8’or di anochi na nan sede na Sta Cruz. Algun siman pasa caba e partido a saca un comunicado cu e deseo pa re-eligi su lider. Awe esaki a keda concretisa. No ta conoci si esey kier men cu e lo postula su mes atrobe riba lista den e proximo eleccion cu ta poni pa 2025. Den un programa di NoticiaCla LIVE e tempo ey, e la bisa cu e no ta kere e ta bay pa un di tres termino, pasobra mester laga espacio pa e generacion nobo. 

Na aña 2011, despues cu Nel Oduber a dicidi di bandona politica, partido MEP a tene un eleccion pa lider, y Congreso 2011 a eligi Evelyn Wever-Croes como Lider di MEP.

Na aña 2015 a re-eligi Evelyn Wever-Croes durante e Congreso 2015.

Despues di un tardansa ocasiona pa e pandemia di Covid-19, Partido MEP lo propone na su Congreso un biaha mas pa re- eligi Evelyn Wever-Croes como Lider di MEP pa e siguiente 4 añanan.