Maduro: E aña aki e yegada di Sinterklaas lo ta den su forma tradicional bek

E aña aki e gran yegada di Sinterklaas lo ta den su forma tradicional bek cu musica, baile y hopi emocion pa grandi y chikito. Asina minister di Cultura Xiomara Maduro a informa e siman aki. Esey ta inclui e yegada normal na waf, unda cu tur mucha por ta presente atrobe. Noticiacla a compronde cu e aña aki, e mandatario mes a tuma e organisacion di e yegada over den sentido cu Comision Celebracion Dianan Nacional (CCDN) ta haci esaki awor. “Yegada di Sinterklaas ta wordo organisa pa CCDN. Pa hopi aña nan tabata laga un otro fundacion organisa esaki. E biaha aki CCDN mes ta bay organisa esaki” e mandatario a bisa noticiacla diabierna mainta. Ora a puntra e mandatario con bin a haci e cambio, e mandatario a splica cu ta pa motibo cu kier tabatin mas inovacion y haci'e un actividad pa mucha cu envolvimento di mas grupo. Loke si ta lamentable ta cu e mandatario no ta haci mencion di e fundacion cu tur e añanan aki a organisa esaki, como un reconocemento pa nan.

CAMBIONAN

Mientrastanto e mandatario   conhuntamente cu Comision Celebracion Dianan Nacional a haci un invitacion na tur grupo di Sint y Piet pa inscribi y participa na yegada di Sinterklaas 2022.