Coalicion na Bonaire ta cambia postura tras di e ‘schorsing’ di Gezaghebber’

KRALENDIJK – Un dia despues cu un mayoria den partidonan di coalicion na Bonaire a aproba un mocion pa ‘pone gezaghebber d Bonaire riba non actief pa un periodo di dos siman pa por tin un investigacion riba supuesto iregularidadnan, e mesun coalicion a cambia di postura y a mas bien ‘coregi’ nan mes cu un otro comunicado, informando cu ‘no a schors Gezaghebber’ y esaki primordialmente pasobra nan no tin e poder ey. Den un combersacion cu miembro di un di e partidonan cu a sostene e mocion pa pone e Gezaghebber riba non actief, Elvis Tjin Asjoe a admiti na noticiacla cu mocion ta keda un mocion y ta un deseo. Pero cu en realidad no por schors Gezaghebber. 

COMUNICADO

E comunicado manda na nomber di e mesun partidonan cu un dia prome a sostene e mocion, un dia despues ta papia otro palabra.”Ta enfatisa cu no a a schors gezaghebber of cu a pone gezaghebber riba non actief “ parti di e comunicado ta bisa. Mas leu e comunicado ta bisa cu “esaki no ta posibel pasobra no ta ConsehoInsular a nombra e gezaghebber sino ta Rey di Reino Hulandes ta haci esey. E ‘Acuerdo di Integridad’ tampoco no por wordo enforsa huridicamente. E ta un documento cu a firma boluntariamente y nos a kompremeté nos mes pa sigui e procedura manera describí den e documento” parti di e comunicado ta sigui bisa. Pues un dia despues, e coalicion a haya nan mes ta coregi nan mes riba e loke a sosode un dia prome. Pa lesa e comunicado completo, click AKI.