Awe mainta Gobernador ta huramenta Ady Thijsen como minister plenipotenciario

ORANJESTAD – Awe mainta Juan ‘Ady’ Thijsen ta huramenta como minister plenipotenciario pa Aruba na Hulanda dilanti gobernadora di Aruba Alfonso Boekhoudt. Premier Evelyn Wever a confirma esey awe mainta durante un conferencia di prensa riba e tema di Arubahuis. Sra Wever Croes a sigura cu mientras cu Thijsen lo eherce dos funcion, esta minister plenipotenciario, y  representante di Aruba pa Union Europeo, e lo haya solamente un salario, cu ta esun di minister. Mester bisa cu e huramentacion a tarda masha hopi mes, ya cu ta for di comienso di e aña aki e la biaha pa Hulanda pa eherce e funcion aki y ta te awor e ta wordo huramenta. No ta conoci pa e portal aki kico e tardansa tabata pa e huramentacion tuma lugar te awor numa. Riba e tema di Arubahuis, e prome mandatario no a bisa mucho cos nobo, sino cu e investigacion ta e mes a pidi pe y cu ainda e no ta cla.