Oxford atrobe eligi como e miho universidad di mundo

LONDON – E universidad britanico Oxford, pa di 7 aña sigui a keda nombra como e miho Universidad di mundo. E ta na cabez di e asina yama World University Rankings annual di e revista britanico Times Higher Education. Hulanda cu 7 universidad ta den e top 100. Times Higher Education ta selecta e lista hunto basa riba 13 midi di prestacion den e categoria di enseñansa, investigacion, transferencia di conocimento y proyecion internacional.

ACENSO DI CHINA

Remarcable ta cu e cantidad di universidadnan mericano riba e lista ta bahado mientras cu universidadnan Chines ta den acenso. Aunke cu e top 10 di e lista ta domina ainda pa universidadnan mericano y britanico, tin un cambio visible. Si antes tabatin 43 universidad mericano den e top 100 na 2018, awor esaki ta 34. Tin 7 universidad Chines riba e lista, compara cu 2 antes, y tin dos den e top 20.