Winkel: Tirenan no a rementa ora cu avion di EZ Air a ateriza na Bonaire

KRALENDIJK- Ningun momento e tire nan di e avion di EZ Air a rementa durante su aterisahe na Bonaire diamars atardi. Asina e gerente di e compania Rene Winkel a sigura despues. E gerente a splica cu e buelo  7Z  671  di EZ Air  a  haye confrnta cu un situacion caminda cu e pilotonan mester a ehecuta un procedura di seguridad pa baha e avion di un manera ‘safe’. Nan no ta bisa si, kico e situacion ta cu nan a haya nan mes envolvi cu ne cu a conduci na e procedura special. 

BRAKE DURO

Durante e aterisahe, e pilotonan mester a aplica e brakenan mas fuerte cu normal, y a bin  mira despues cu e tirenan a cuminsa baha, mientras cu e avion tabata taxi pa e Plataforma. Ta un proceso cu ta tuma lugar ora cu e tirenan sinti cu tin un temperatura halto (causa den e caso aki sigur pa e brake fuerte cu a causa e cayente?:red). 

TIRE REMENTA

E storia cu e tirenan a rementa ora cu e avion a baha, no ta cuadra segun Winkel. “ Den caso cu un of mas tire rementa, e avion no por move mas y mester keda riba pista. Esey no a sosode den e caso aki” Winkel a sigura. “E avionan tipo SAAB tin un mechanismo di seguridad cu ta laga e tirenan baha di forma gradual y controla, ora cu temperature di brake subi mucho halto. E ta un fuse cu ta permiti esaki, esta un ‘fusible plug’. Na momento di e temperatura halto, e fuse ta dirti y permiti pa aire scapa for di e tire pa evita un situacion peligroso, Winkel a sigui splica.  Pasaheronan  di e  buelonan  pa Aruba i Corsou  mas  laat a wordo busca pa otro avion di EZ Air pa nan bay nan destinacon. E avion en cuestion mientrastanto ta den proceso di reparacion door di techniconan di e avion. Potretnan cortesia di Live99FM di Bonaire.