Presidente director di KLM Marjan Rintel a bishita Aruba pa prome biaha den weekend

ORANJESTAD – E Presidente/Director di KLM Marjan Rintel tabata na Aruba den fin di siman pa entrega e di 103 cas di KLM (conmemorando 103 anniversario di e aeroliña). Rintel a entrega e ‘casita’ na gobernadora interino Agustin Vrolijk y famia Ecury. Aruba ta celebra 100 aña di aviacion di cua 90 KLM a forma parti di dje. Den otro relatonan por lesa mas di e evento mes. Pero ta remarkable cu desde cu Rintel a keda apunta, no poco tempo pasa, (1 juli 2022:red) e ta bishita Aruba caba. E ta e hefe maximo di e aeroliña grandi y poderoso y a tuma e timon di Peieter Elberts, cu tampoco ta un desconoci pa bishita Aruba. Rintel ta e di 13 director desde comienso di e aeroliña y e prome dama cu ta haya e funcion aki. Su experiencia di 8 aña na e compania nacional di transporte Nederlands Spoorwegen (NS) na cabez di e compania  no ta strobe di maneha un aeroliña ya cu e tin 15 aña di experencia den pasado di a traha na KLM caba.