Grupo di riba 20 polis hunto ta recorda mas di 430 di trayectoria policial

MACUARIMA - Mas di 20 polis hunto reciendemete a recorda mas di 430 di trayectoria policial. Esaki a keda celebra den un evento na Centro di Husticia na Santa Cruz unda Altocomisario di Polis Sr. Ramon Arnhem a haci entrega di decreto gubernamental, hubilario y reconocimento na agentenan cu a cumpli den total di 430 aña trahando, dedicando nan bida y nan tempo na Cuerpo Policial Aruba.

Altocomisario Arnhem a haci entrega di un plaket y reconocimento na agente Policial Sr. Eddy Ras cu a cumpli 40 aña den servicio na Cuerpo Policial Aruba. 

A haci entrega di 35 aña hubilario na Polis Sr. Marlon Gumbs y 30 aña di hubilario na  F. Yarzagaray cu ta un personal administrativo di KPA.

Alavez a haci entrega di diesun agentenan cu a cumpli 25 aña den servicio na Cuerpo Policial Aruba; R. Maduro, E. Maduro, E. Kelly, M. Pieters, R. Kock, A. Kelly, G. Dania, J. Oduber, A. Zievinger, A. Geerman, M. Arrindell, N. Tromp y J. Rosel.

Tambe un grupo grandi di Polis ta ricibi nan promocion pa asina ricibi nan rango nbo den Cuerpo Policial Aruba. Ta trata aki di agentenan;

A. Jansen, ta ricibi su promocion pa brigadier eerste klasse. 

Di brigadier eerste klasse pa Hoofdagent: I. Puriel, D. Tromp, J. Arends. 

Den e grupo aki tambe tin agentenan Policial cu no solamente a hayanan promocion pero tambe a sigui un curso mas avansa di trafico. Esaki den e cuadro cu e agentenan aki ta den departamento di trafico nan a haya un curso di “At-scene traffic crash/traffic homicide investigation online-accelerated”. Nan a haya e curso aki di “Institute of Police Technology and Management di Uuniversity of North Florida”. Ta trata aki di agentenan; A. Solarte Tovar, G. Kock y D. Wever cu awor ta mas specialisa den nan area.

Un grupo di polis tambe a hayanan promocion y ta bira sub-inspector di Polis, ta trata aki di; A. Winklaar, G. Koolman, M. Cabral, J. De Cuba y E. Pieternella.