NHC kier islanan ABC vigila e sistema tropical Invest 91L

MIAMI – Un area amplio di presion abou ubica algun shen miya oost di islanan Riba, ta produciendo un area di awacero zuidoost di un centro swak defini. Ta premira cu e centro por bira un depression tropical unabes cu e drenta Caribe fin di siman aki, si e keda suficiente leu di tera (cu ta stroba e formacion) durante su pasada na 15 miya pa ora den e parti zuidoost di Caribe.  

MAL TEMPO

Segun NHC, irespecto e desaroyo ariba menciona, ta spera awacero pisa y biento fuerte riba parti di Isla Ariba awe nochi y diaranson. Ta pidi pa esnan riba islanan ABC y costa norte di Venezuela monitoria e situacion aki. Un avion di Hurricane Hunter ta bulando den e sistema pa determina su situacion. Chens pa formacion dentro di 2 dia ta na 48% mientras cu e chens ta bira 70% den 5 dia.