Abogado Ronny Wix ta bira representante di Aruba na Washington otro aña

ORANJESTAD – Entrante 2023, actual abogado Ronald Wix ta bira e proximo minister plenipotenciario pa Aruba na Washington (Merca). E ta reemplasa Joslyn Croes cu aworaki tin e funcion ainda. Abogado Wix a confirma e funcion aki pa noticiacla diamars atardi. E intencion ta pa sr Wix inicia su funcion nobo den di dos cuartal di  otro aña, mas bien entre april y mei di 2023. Mientrastanto a pidi sra Croes pa keda den funcion te fin di aña, pa tur cos keda regla di un forma mas nechi. A compronde di e abogado cu sra Croes ta cooperando hopi bon cu e transision aki tambe.