A.T.A. y C.O.A. a firma acuerdo pa traha hunto oficialmente

A.T.A. y C.O.A. a firma acuerdo pa traha hunto oficialmente

Posted on 09/22/2022 4:07 pm AST | Updated on 09/22/2022 4:08 pm AST

ORANJESTAD – Oficina di turismo di Aruba (ATA) y Comite Olimpico di Aruba (COA) a firma un acuerdo diahuebs pa traha hunto ‘oficialmente’. Segun ATA, ya caba pa algun tempo Aruba Tourism Authority y Comite Olimpico Arubano ta den combersacion pa firma un acuerdo cu lo ta beneficioso pa ambos partido. Durante econferencia di prensa Ronella Croes- CEO di A.T.A., Wanda Broeksema- Presidente di C.O.A. y Nicole Hoevertsz- Secretario General di C.O.A. a firma e acuerdo aki, unda cu A.T.A. lo ta un socio di Comite Olimpico Arubano. 

E asociacion aki ta uno natural, mirando cu e atletanan cu C.O.A. ta cultiva y desaroya ta representa nos pais dignamente y ta un promocion grandi pa Aruba, pa medio di nan participacion den diferente competencia, na diferente pais. Sin lubida e promocion grandi cu Aruba ta haya durante weganan olimpico. 

Den pasado A.T.A. a contribui cu e diseño di e logo di C.O.A. y tambe e uniformnan di C.O.A. a traves di un agencia cu A.T.A. tawata traha cun’e. 

E balornan Olimpico cu C.O.A. ta promove ta alinea completamente cu A.T.A su obhetivonan strategico, cu entre otro ta pa crea bienestar pa e comunidad local. Den caso di C.O.A. ta haci esaki poniendo deporte na servicio di humanidad como un filosofia di bida y den caso di A.T.A. a traves di Turismo.  

A.T.A. y C.O.A. ta comparti e opinion cu e inversion den nos hendenan, nos hobennan, ta sumamente importante paso nan ta nos ‘role models’, no solamente ora nan ta representa Aruba internacionalmente pero tambe na Aruba mes. 

Pa ambos partido esaki ta un momento hopi bunita, yena cu positivismo cu ta crea oportunidadnan nobo pa nos atletanan, pa nos turismo y pa Aruba.

  • Sarah Quita ta gana di 20 titulo mundial di Winsurfing y di dos pa ola

    Sarah Quita ta gana di 20 titulo mundial di Winsurfing y di dos pa ola

    ALEMANIA – E windsurfer internacional di Aruba Sarah Quita Offringa a gana su di 20 titulo mundial general di Windsurfing, y e di dos di ola esta e Wave World Champion 2022. For di Alemania, e la manda un mensahe awe dialuna pa Aruba, informando di su logro. Mientrastanto riba su pagina di Facebook e la post e video ora cu himno di Aruba ta tocando y e para riba e podium como e numero uno cu su trofeo. Un otro logro pa e grandi di Aruba. Na 2021, NoticiaCla a saca Sarah Quita como e persona di aña indiscutiblemente. Pabien Sarah Quita!

  • Despues di su medaya di oro na Weganan Panamericano, Mikel Schreuders ta landa e final awe nochi

    Despues di su medaya di oro na Weganan Panamericano, Mikel Schreuders ta landa e final awe nochi

    ASUNCION – Despues cu den fin di siman e landado di Aruba Mikel Schreuders a logra gana e prome medaya di Oro pa Aruba den Weganan Suramericano, awe nochi e ta landa su parti final cu chens pa mas medaya. Awe mainta e la landa 200meter liber y a logra finalisa como number 2 cu e tempo di 1.55.29. E resultado aki ta dune derecho pa landa e final awe nochi den lane # 7. Fuera d e landamento liber, Mike Schreuders a landa mariposa tambe y logra clasifica. Ey tambe e ta logra clasifica pa landa awe nochi.  

  • Deaxo Croes a logra completa su landa di Arashi pa Baby Beach   

    Deaxo Croes a logra completa su landa di Arashi pa Baby Beach   

    SEROE COLORADO – E conocido landador Arubiano Deaxo Croes a logra complete su hazaña ‘Punta pa Punta’, landando di Arashi pa Baby Beach, como preparacion pa su hazaña final, “Crossing for Prevention” cu ta landando entre Bonaire y Corsou otro luna. Na su yegada, manera e potret principal ta mustra, e mama di Deaxo, e conocida Tita Iglesias, a brasa su yiu, kitand asina un preocupacion menos pa e mama. E mama a opta pa sigui su yiu for di riba laman, pasobra riba boto, lo tabata mucho nervioso. Deaxo a cuminsa landa awe marduga pa 2:32am y despues di landa algo mas cu 13 ora, e la yega Baby Beach sano y salvo. E distancia cu e la cubri oficialmente registra tabata 38.1 km. Manera por a spera, e no a haci esaki su so, pero tabatin un team di persona rond di dje riba henter e ruta, cu a compañe. Keda pendiente pa un relato completo di e hazaña aki. Dia 19 di November 2022 e hazaña oficial mes ta cuminsa ora cu e purba landa di Bonaire pa Corsou. Potretnan ta cortesia di Michaal Salazar y Crossing for Prevention. 

  • Deaxo Croes ta landa diasabra di Arashi pa Baby Beach, preparando pa ‘Crossing for Prevention’

    Deaxo Croes ta landa diasabra di Arashi pa Baby Beach, preparando pa ‘Crossing for Prevention’

    ORANJESTAD – Deaxo Croes, atleta Arubiano cu ta pronto lo realisa e hazaña di Crossing for Prevention, tin un antesala prepara pa e siman aki cu yama Punta pa Punta. Diasabra awo, 1 di october, e ta landa for di Arashi pa Baby Beach. Deaxo ta entrenando hopi duro y ta totalmente enfoca pa completa e trayecto di mas o menos 34 kilometer stret.

  • A re-programa evento Deportivo Carifta awor pa November na Bermuda

    A re-programa evento Deportivo Carifta awor pa November na Bermuda

    HAMILTON  – E evento Deportivo Caribense, CARIFTA Triathlon, Aquathlon and Mixed Team Relay a keda programa awor pa tuma lugar na luna di November di e aña aki despues cu mester a cancela esaki pa pasada di horcan Fiona. E fechanan nobo ta November 12-13 segun oficialnan a bisa dialuna. E evento ta conta cu mas di 100 atleta hoben di entre otro Aruba, Antigua and Barbuda, Bahamas, Barbados, Grenada, Jamaica, Trinidad and Tobago, y Puerto Rico.

  • Early Bird Special pa e di 5 aña di Diabetes Run & Walk 2022

    Early Bird Special pa e di 5 aña di Diabetes Run & Walk 2022

    ORANJESTAD - Aruba Aloe y Botica di Servicio ta bini hunto pa e di 5 aña di nan Diabetes Run & Walk riba diadomingo, 13 di November 2022 y pa encurasha e comunidad pa bin participa den e evento, nan ta haciendo un Early Bird Special te cu 30 di September 2022. Subway tambe ta participa den e Early Bird Special como main sponsor di e kids run. 

  • Powered by SETAR