Un ‘hurricane hunter’ lo midi forza di ola tropical drentando Caribe

MIAMI/ORANJESTAD - Un asina yama Air Force Reserve Reconnaissance Aircraft, popularmente conoci como ‘hurricane hunter’, lo lanta buelo awe nochi pa midi e forza di e ola tropical cu ta drentando Caribe proximamente. E tipo di avionan aki no ta inusual pa mira na Aruba, mirando e plataforma cu e ta brinda. Aruba casi ta keda pafo di ciclonan, y ta hacie asina ‘safe’ pa e avionan aki staciona durante periodonan di trabou, den temporada di horcan. Siman pasa varios biaha tabatin uno na Aruba unda cu a bula for di Aruba pa midi horcan Fiona. Tanto e personal como e avion ta ekipa y prepara pa tipo di misionan asina unda cu por midi e forza di un situacion di tempo, y relata esaki bek na nan base, cu hopi biaha ta National Hurricane Center. Potret cortesia 297 Spotters.