Despues di un aña di Gabinete Wever Croes II, e pais tin mas reto cu nunca

ORANJESTAD – Awe 20 di september 2022 Gabinete Wever Croes II ta cumpli y celebra un aña di existencia. Den un comunicado di gobierno, e gabinete ta mustra nan logronan. Mientrastanto por corda con segun un encuesta di noticiacla riba e prome 100 dianan, no tabata nada positivo pa e gabinete. De hecho, e encuesta a bisa cu Gabinete Wever Croes II a haci un mal trabou durante su prome 100 dianan. Esaki ta e resultado general di e encuesta cu noticiacla.com a tene siman pasa riba e tema aki. E preguntanan tabata simple, y dirigi rond di e hecho cu aki dos siman e gabinete ta cumpli su prome 100 dia den gobernacion. Esnan cu a participa, mester a bisa con e gabinete a traha, y tambe con cada minister a traha. 

ENCUESTA NOBO

E siman aki lo tin un encuesta nobo unda cu lo premira con usuarionan di NoticiaCla ta pensa awor con e gabinete ta funcionando. 

BON TRABOU

Mientrastanto, e gabinete , -manera ta custumber -, a mustra e puntonan positivo cu nan a logra y a ripiti e retonan cu e pais a encontra. Loke e no ta menciona, ta e retonan cu e pais tin y tabatin cu Hulanda y cu e colegio di supervision financiero CAFt unda cu aworaki e situacion a yega di tal nivel cu e gabinete ta bringando e posibilidad pa haya un instruccion posiblemente fin di otro luna.