- Na Corsou, gobierno kier aumenta “Normering Topinkomens” di 295 mil pa 385 mil
- Na Hulanda, e basis beurs ta bin bek den e proximo aña escolar
- Joran vd Sloot a dicidi di bringa su extradicion pa Merca toch!
- Opinion: Reaccion di Vacation Rental Professionals Aruba riba e informe huurmento di casnan vacacional y capacidad di carga
- Fluho di biento di oost te zuidoost lo pone tempo bira mas calor
Defensa Hulandes a bay di training pa berdadero despliege pa Tormenta Fiona
THE BOTTOM - E ehersisio pa emergensia den tempu di orkan ku Defensa den Region Karibe ta tene durante e periodo di 15 di sèptèmber te ku 27 sèptèmber, temporalmente a kambia na un despliegue real na Isla Riba. Outoridatnan lokal di Saba i St. Eustatius a hasi un petishon na Defensa pa brinda sosten Militar rondó di e pasashi di Tormenta Fiona. Den esaki ta ferwagt hopi ráfaga di bientu i hopi awaseru, i ku esei ta ferwagt un kantidat grandi di destrukshon i estorbo. Defensa ta aktua den e despliegue aki huntu ku sosionan lokal di seguridat.
Saba a pidi Defensa pa sostené nan ku limpiesa di terenonan i hasi e kayanan liber. Tambe tin e nesesidat na eventual sosten durante trabounan chikitu di rekuperashon, tantu promé komo despues di pasashi di e tormenta. Saba tin un infrastruktura limitá, i p’esei ta di importansha pa rápidamente haña e kayanan liber pa e servisionan di yudansa ku tei presente ya kaba. Un kantidat di 30 Marinir i un enfermero Militar di Marina Real ta presente.
Militarnan Hulandes lo brinda na Sint Eustatius tambe sosten militar den forma di posibel yudansa di emergensia. Pa motibu di e awaseru i bientu ku ta ferwagt tin chèns riba daño na edifisionan i pues tambe un potenshal peliger pa habitantenan. Loke por ehèmpel por ta un problema grandi riba e isla, ta korientenan di lodo, inundashonnan i deslisamentu di tera. Aki tambe Defensa, ku ya ta presente, por hasi un diferensha i proporshoná e isla ku e posibel yudansa di emergensia. Defensa lo brinda un Konsehero pa e staf di desaster pa por laga ku e kolaborashon entre outoridatnan lokal i Defensa por kana fleksibel. Mas aleu mas o ménos 30 Marinir, kaminda ta nesesario, lo aktua komo tim huntu ku Polis i Brantwer, pa ehekutá diferente tarea.
Na Sint Maarten na e momentunan aki no tin nesesidat konkreto ainda pa sosten Militar, pero e unidatnan ta para kla pa eventual petishonnan pa por ehekutá esakinan. Si en kaso no tin nesesidat di un despliegue di parti di Defensa na Sint Maarten, e programa de ehersisio lo keda reanudá.E Militarnan ku ta keda desplegá ya ta presente kaba riba e islanan pa motibu di un treinen pa brinda yudansa di emergensia durante pasashi di un orkan. Ku tin e toitulo di ‘Windward Express’. Ora e situashon ta pèrmití esei, e unidatnan prosedente di Aruba, Kòrsou i St. Maarten lo bolbe rekohé e ehersisionan (parsialmente). Sosten na outoiridatnan lokal ta un di e tareanan primordial di Defensa den Region Karibe Hulandes. NOTA: Texto ta scirbi den Papiamento fonetico di Corsou.
Diesdos persona a wordo reconoci pa Altocomisario di polis
ORANJESTAD - Recientemente Altocomisario di Polis drs. Ramon I. Arnhem a reconoce diesdos (12) persona den Cuerpo Policial Aruba. Altocomisario hunto cu alto mando di policial a sinta hunto na mesa pa asina por escohe e coleganan policial pero tambe administrativo di Polis cu tabata di sumamente balor pa e organisacion den aña 2022.
Wardacosta mester a tira riba boto cu indocumentado pa para nan di drenta Aruba!
ORANJESTAD - Diabierna ultimo Wardacosta, den colaboracion cu Cuerpo Policial Aruba, a logra intercepta un boto riba lama. Despues cu a detecta e boto sospechoso, e Centro di Operacion Maritimo di Wardacsota a dirigi un boto di patruya Metal Shark pa e sitio. Tambe a pidi asistencia di e helicopter di KPA durante e accion riba lama. Pa a logra stop e boto personal di Wardacosta a los na prome instante algun tiro di advertencia. Como cu e capitan di e boto no kier a duna oido na e diferente advertencianan di Wardacosta pa para e boto, e personal di Wardacosta a los tiru dirigi riba e motornan di e boto pa por obliga para esaki. Despues di a logra intercepta e boto a haya na bordo 3 hende homber di e nacionalidad Venezolano. Wardacosta a entrega e 3 hombernan na KPA y e caso lo sigui den investigacion.
Polisnan na Aruba ta bay cuminsa bisti bodycam den un proyecto piloto
ORANJESTAD - Dialuna mainta, durante conferencia di prensa di Gobierno di Aruba, Minister di Husticia . Rocco Tjon, a anuncia e inicio di e proyecto piloto di bodycamaras pa henter Cuerpo Policial di Aruba. Manera ta conoci, a base di e plan di maneho di Ministerio di Husticia y Asuntonan Social, deliberadamente a scoge pa inverti den tecnologia. Tecnologia pa eleva siguridad pa henter comunidad, pero tambe pa e Agente Policial mes. Asina, a base di diferente investigacionnan cientifico a yega na e conclusion pa bin cu e proyecto piloto di bodycamaras pa e Agentenan Policial, di cual lo haci un evaluacion dentro di tres pa seis luna, pa asina mira su efecto y tuma un decision si ta bay implementa esaki permanentemente.
Aruba ta conoce su di dos morto di trafico riba e mesun diadomingo!
SAVANETA – Den un solo marduga Aruba a conoce 2 morto di trafico tras di otro. E prome tabata pa algo despues di 3or awe marduga y e di dos pa 6'or. Tabata awe diadomingo mainta 5 minuut pasa di 6 cu Central di polis a wordo yama pa un accidente frontal entre dos auto na altura di Wintergarden na Savaneta. Ora cu polis a yega a topa cu chauffeur di un KIA Rio A-62040 a dal frontal contra e truck di diesel A 1280. E KIA Rio segun vocero policial Liliana Rasmijn, lo a baha di caminda pa un motibo desconoci y topa frontal cu e truck. Pa 6 or y 50, dr Mungra a constata morto di e hoben chauffeur di apenas 17 aña di e KIA Rio. No a duna nomber ainda di e victima, pasobra mester a notifica famia ainda. Cu e morto aki, e cantidad di morto di trafico pa 2023 ta bira 4. Noticiacla ta manda palabra di condolencia na famia di e fayecido.
Aruba ta conoce su di 3 morto di trafico pa 2023
ORANJESTAD - Aruba a conoce su di tres morto di trafico pa 2023. Diadomingo madruga pa 03:25am central di polis a. wordo notifica di un accidente basta grave na altura di ex House of Cheng. Na yegada di patruya, a bin encontra cu un Nissan March color shinishi numera A- 65717 pega riba un mata. Patruya tambe a bin topa cu cuidadanonan cu a purba di re-anima e victima. Tambe Ambulance a yega na e sitio y a haci nan maximo esfuerso pero no por a haci nada mas pa e victima. Pa 4:09 am Dr.Mungra ta constata morto di Ray Kelvin Zambrano Burgos naci 18 december 1996 na Aruba.Polis di trafico y polis technico a presenta na e sitio pa haci nan investigacion. Slachtofferhulp tambe a presenta na e sitio pa brinda sosten na famia di e fayecido. NoticiaCla y Cuerpo Policial ta manda palabra di profundo condolencia na famia di e fayecido y deseanan forza den e dianan nos dilanti.
Turista a bira malo riba beach banda di Divi Phoenix y fayece
Follow NoticiaCla
