Un total di 8 instancia di Aruba scohi pa ricibi fondo di Mondriaan Fonds

 ORANJESTAD – E fondo popular Hulandes conoci como Het Mondriaan Fonds a scohe 8 instancia di Aruba cu lo haya parti di e suma di   € 250.000 como parti di e sosten pa islanan di Caribe Hulandes. E fondo ta sostene organisacionan cu ta contribui cu varios forma di arte cultural. E aña aki e fundacion a ricibi peticion di 26 instancia, di cual a dicidi pa otorga 8 pa esnan di Aruba. A duna Corsou 7, Bonaire 1 y Saba tambe 1.  E contribucion mester yuda proyectonan cu ta dirigi riba coleccion, intercambio di conocemento, y programanan cu contenido. Entre e organisacion y fundacionan cu a ricibi e fondo na Aruba tin e.o. Fundacion Amigonan di Archivo – p/a Archivo Nacional Aruba, Fundashon Ban Ku Nos, , Pure Aruba Events Foundation, Plataforma Aruba, Stichting Monumentenfonds Aruba, Stichting Schouwburg Aruba, Stichting Terrafuse, Stichting Rancho.