- Bucuti & Tara Beach Resort a Celebra Housekeeping Week cu Premionan y Reconocementonan Special
- KNVB: Wega suspendi entre Ajax y Feyenoord na Hulanda, ta sigui diaranson awor
- Gobierno a inicia siman di accion pa cu metanan di desaroyo sostenible (SDG's)
- KLM a yega na acuerdo cu pilotonan, evitando un welga awe
- SKOA a celebra nan acreditacion oficial di e programa Erasmus+
Zr.Ms. Groningen te cu awor a logra captura 13 transporte di droga
ORANJESTAD - Zr.Ms. Groningen dentro di 3 siman a detektá kuater transporte di droga. Ku esaki e total kantidat di kaptura di droga a yega 13, desde e momentu ku e barku a keda stashoná na fin di aprel den region Karibe Hulandes. E barku patruyero a obligá durante último simannan, huntu ku Wardakosta Merikano, kuater asina yamá ‘go-fast’ botonan rápido, pa stòp. Durante esaki en total mas o ménos 4800 kilo di kontrabanda, entre kua kokaina i mariwana, a keda hañá.
Riba djabièrnè, 19 di ougùstùs Groningen a enkontra e promé di e kuater botonan di motor rápido. Una bes yegando serka di e go-fast Groningen a lansa e 2 botonan motorisá FRISC. A bordo di esakinan tabatin un ekipo di abordahe kombiná di Wardakosta i di Estados Unídos i tripulashon di Zr.Ms. Groningen. Nan tabata por a detené e boto ku droga ku mas o ménos 600 kg di kokaina i 4 sospechoso a bordo. Ademas di Groningen tambe tabatin un avion patruyero marítimo Dash-8 di Wardakosta Region Karibe envolví den e detekshon aki.
E siguiente tres intersepshonnan no muchu tempu despues a tuma lugá hopi lihé tras di otro. Asina dia 30 di ougùstùs, dia 1 i dia 3 di sèptèmber, a stòp en total 3 go-fast, durante kua ainda 4200 kilo mas di kontrabanda a keda interseptá i 10 sospechoso a keda detené. E 14 sospechosonan a keda entregá na un barku Merikano di Wardakosta pa demas persiguishon. E kontrabanda a keda destruí.
Ku e kuater kapturanan aki di droga e mashin di konteo di Groningen ta para riba 15.000 kilo di droga ku a keda interseptá. Zr.Ms. Groningen den e region Karibe ta e barku patruyero ku alternativamente ta traha huntu ku Wardakosta Region Karibe i Wardakosta Merikano, den operashonnan anti-droga. NOTA: Texto ta scirbi den Papiamento fonetico di Corsou
Polis a certifica Road Service pa documenta accidente
MACUARIMA - Den cuadro pa desaroyo, conocimento y mehoracion di servicio na comunidad a tuma lugar un curso pa dos compania di roadservice. For di 14 augustus 2023 te cu 18 september 2023, a presenta e curso di “Afhandeling Verkeersongevallen”, destina pa road service na Scol di Polis E.J. Watty Vos.
E biaha aki polis a multa hopi doño di cacho den districto di Noord
Dos homber a bira victima di un atraco na cas na Tanki Flip
ORANJESTAD - Diahuebs atardi pa 4:03 central di polis a wordo notifica di un atraco cu lo mester lugar na un cas na Tanki Flip. Ta despacha patruya di polis na e sitio di e sucedido. Na yegada di patruya ta bin compronde di un di e victimanan cu un rato prome un hende homber cu ta papia spaño, bisti full na preto y cara tapa lo a trata na atracanan.
Marina ta intercepta casi un tonelada di cocaina den region Caribe Hulandes
ORANJESTAD - Zr.Ms. Groningen a interseptá kasi 1.000 kilo di kokaina, durante 2 kaptura di droga den Region Karibe Hulandes. Esei a sosedé ya kaba riba dianan 11 i 12 di Sèptèmber último, pero awe numa a keda publiká. Durante promé kaptura e sospechosonan a entregá nan mes numa despues di tirunan di atvertensha.
OM: Afpakteam a controla diferente buelo pa Republica Dominicana awe
ORANJESTAD - Awe Afpakteam a tene un control integral riba diferente vuelo pa Republica Dominicana segun Ministerio Publico. E control tabata dirigi riba violacion di e meldplicht di cantidadnan di placa cash. Cada viahero ta obliga pa meld na Aduana si nan tin mas cu 11.000 Dollar of 20.000 Florin cu nan. Sinembargo, no a bisa pakico tabata specificamente riba e buelonan aki y tampoco si a logra confisca placa y cuanto.
Agente policial ta tende diahuebs si e tin cu keda deteni mas tempo ainda
ORANJESTAD- Agente policial R. Vos ta presenta dilanti huez diahuebs atrobe, pa tende con su caso ta desaroyando y pa sa si tin fecha pa tratamento di su caso. Loke ta interesante ta cu mientrastanto huez no ta permitie pa ta den libertad temporal. Ultimo biaha cu esaki a keda trata tabata na juni ultimo. Vos ta wordo acusa di malversacion na pia di trabao, tumamento di regalo y labamento di placa durante e periodo entre oktober 2018 te maart 2023. Ora cu a detene e aña aki, lo a haya varios aparato electronico cu cual ta pensa cu e lo tabata suministra cierto medionan di comunicacion cu informacion di polis. Ademas lo a haya mas artefacto di polis cu lo no ta permiti pa ta den su poder.
Follow NoticiaCla
