AHATA: Entrada di hotel di prome 8 luna di 2022 ainda no a yega nivel di 2019

AHATA: Entrada di hotel di prome 8 luna di 2022 ainda no a yega nivel di 2019

Posted on 09/13/2022 9:33 am AST | Updated on 09/13/2022 9:46 am AST

ORANJESTAD - Aruba Hotel & Tourism Association (AHATA)  a raporta cu na luna di Augustus hotelnan a logra bon recuperacion, pero e entrada di prome 8 luna di 2022 ainda no a yega nivel di 2019. 

AUGUSTUS 2022:

-        Ocupacion: E grado di ocupacion tabata 82%; representando un recuperacion di 95% compara cu nivel di ocupacion na 2019. 

-        ADR: E balor averahe di cada camber bendi tabata $289.64, cual ta 22% mas cu na 2019.

-        RevPAR: E entrada averahe pa tur camber disponibel tabata $238.52, cual ta un aumento di 15% compara cu RevPAR di Augustus 2019.

AVERAHE DI PROME 8 LUNA DI 2022: 

-        Ocupacion: E ocupacion averahe di prome 8 luna tabata 74%; representando un recuperacion di 86% compara cu 2019. 

-        ADR: E balor averahe di cada camber bendi tabata $310.05, cual ta 9% mas cu mesun temporada na 2019.

-        RevPAR: E entrada averahe pa tur camber disponibel tabata $229.31, cual ta 7% menos cu RevPAR di prome 8 luna di 2019. 

 

PROYECCION: 

 

Ta proyecta un recuperacion di 90% pa ocupacion di luna di September y expectativa pa ful aña 2022 ta un recuperacion di 88% compara cu ocupacion di 2019. 

TIMESHARE:

Ocupacion na propiedadnan Timeshare tabata 86% na Augustus.  

 

  • Powered by SETAR