Glenda Hernandez ta keda director di Aruba Huis pa tres luna mas!

DEN HAAG – Di tres luna a prolonga e termino di director interino di Aruba Huis Glenda Hernandez pa 6 luna, esta te fin di e aña aki. Motibo ta cu ainda no a keda cla cu e seleccion pa un director nobo pa Aruba huis. Asina prome minister a bisa den un comunicado, cu despues a keda cambia. E prome comunicado tabata toca e tema ey, pero despues a ‘coregi’ e comunicado ey y a laga e parti ey afo. No obstante esey, e prome comunicado tabata splica cu ‘pa loke ta directeur di Arubahuis, e procedura ta andando’. Tambe ta bisa cu ‘tabata tin hopi interes y cu aapunta un comision pa ‘werving en selectie’ independiente cu lo mester duna Gobierno un conseho riba esaki’. E prome mandatario a sigui bisa cu e comision a cuminsa caba cu voor selectie y siguiente nan lo tin conversacion cu e candidatonan pa por yega na e miho candidato. “Mientras tanto a prolonga termino di e Directeur ad interim te fin di aña, pa ora keda cla cu e directeur nobo por tin un traspaso debido tambe”, e prome comunicado a finalisa bisando. No ta conoci pakico a laga e pida aki afo den e prome comunicado.