Douaneronan na Aruba a bay den protesta awe mainta

ORANJESTAD – Douaneronan a protesta diabierna mainta, specificamente riba e asunto di vergoeding pa uso di auto propio. Segun presidente di sindicato SADA Eduard Maduro, douaneronan cu tin cu controla container rond di Aruba, mester usa nan propio auto pa cual nan ta haya compensacion. Problema ta cu e compensacion cu nan ta hayando, no ta conforme un sentencia di hues, cu a stipula un suma specifico (700 florin pa luna), pero  cu ainda nan ta wordo paga un suma ‘bieu’ (300 florin pa luna). Segun Maduro, ta wak con e situacion ta desaroya y si no tin un solucion liher, lo probablemente entama un caso sumario pa coregi e ‘problema’. Potret di noticiacla ta di archivo di un accion similar algun tempo atras.