Tin preocupacion serio pa salud di Reina Elizabeth di Gran Britania

LONDON – Reina Elizabeth ta bou di extra cuido medico, pa monitoria su salud. Den un declaracion di e cas Real Britanico, e medico di e Reina ta bisa cu ta preocupa pa salud di e monarca. Segun e declaracion, e Reina lo keda na su residencia di campo, Balmoral na Escocia, unda cu e ta comfortable. Kico e problema exacto di e Reina di 96 aña ta, no ta conoci. Pero segun e medio Britanico BBC, nunca antes e preocupacionan pa e salud tabata dje serio ey. A adapta tur plan y a manda yama tur yiu pa ta cerca nan mama. Principe heredero Charles y casa Camilla ta na caminda caba y e princesa Anne a yega caba. E otro yiunan Edward y Andrew tambe ta na caminda y e nietonan tambe.