Aruba Marriott Resort a honra prensa di Aruba cu cena special

ORANJESTAD – Aruba Marriott Resort diabierna a honra prensa di Aruba cu un anochi di cena special, conoci como Chef’s Table na ocasion di e celebracion di dia di prensa un dia anterior. Un cena di 5 plato, estilo di biahando rond di mundo den 80 dia, segun e chef nobo d Ecuador, Andres Davila. E cena a bay hunto cu un areglo di biña unda cu durante transcurso di e anochi, por a proba varios tipo di biña, dependiendo di e plato y lugar di e origen di e plato. E cena a tuma lugar den La Vista, cu lo conoce un remodelacion completo otro aña segun e gerente Hulandes Raoul Lemmerling, cu ta procedente di Venlo, Hulanda. Na entrada, tabatin un ricibimento special cu un cocktail ‘Moringa Sour’ cu e welcome ‘imprimi’ den e cocktail, bisando ‘Feliz Dia di Prensa’ cu e logo tambe di Marriott Aruba Resort. Durante e anochi tambe por a cera conoci cu e Complex Director of F&B, Kristopher Bremstr?m di Scandinavia cu tin apenas 2 siman na Aruba. A gradici e gerente di Benta Carolina Voulieme, procedente di Chile (pero cu tin 8 aña caba na Aruba) pa su atencion tambe durante e anochi suculento aki.