Rey Willem Alexander ta cancela su biahe pa Merca, unda dos minister di Aruba lo a acompañe

DEN HAAG – Rey Willem-Alexander a cancela su biahe di trabou pa Merca pa otro siman. E Rey tabata poni pa biaha pa Merca entre 6 y 9 di September 2022, pero ta cancela su participacion pa e recupera di neumonia (longontsteking). Asina oficina di informacion RVD a bisa diahuebs. Reina Maxima si ta continua cu e biahe. Riba e biahe aki, ministernan Dangui Oduber y Geoffrey Wever tambe lo participa. Wever ta compaña e delegacion pa e parti di California y Oduber ta topa e delegacion na Texas diaranson otro siman. E Rey ta recuperando di e neumonia. Segun e informacion ricibi, si e biaha awor, e recuperacion por wordo stroba. E Rey lo continua su trabounan na Hulanda si, pero limita. Diahuebs tambe a anuncia cu e Rey ta bishita Aruba entre otro fin di januari 2023.