Surinam Airways ta sigui bula tambe pa Aruba aunke cu tin problema interno serio

SCHIPHOL - Surinam Airways ta keda bula, no obstante e hecho cu tabatin consternacion e siman aki ora cu e director Paul de Haan a huy di e pais. Coincendalmente awe aeropuerto di Aruba a celebra e hecho cu e aeroliña tin 60 aña ta bulando pa Aruba. SLM a bisa den un comunicado cu ta ‘business as usual’ no obstante e problemanan. E director interino no por biaha ainda pa Surnam pasobra e tin Covid19. E aeroliña ta bula for di Surnam pa 5 destinacion, incluyendo Aruba. Y tur e destinacionan aki, incluyend Miami, Amsterdam, Corsou y Guyana ta keda riba schedule.  E aeroliña tin problema financiero serio y no tin avion propio mas. E ta usando varios avion di otro compania unda cu ta usa avion y personal den un asina yama wetlease.  

PROBLEMA

E aeroliña na 2021 a apunta de Haan como director pa drecha cos, pero e Hulandes no a logra y gobierno di Surnam a prohibie pa bandona e pais. NoticiaCla a raporta esey recientemente tambe. De Haan a huy toch, via Guyana Frances, pa Hulanda. E lo a yuda cu e iregularidadnan bira mas. Mesora e aeroliña a apunta Steven Gonesh, un piloto cu nacionalidad Surnameño, pero tabatin un problema pasobra e persona ta den quarantena pa motibo di tin Covid19, na Hulanda. Gonesh tabata apunta pa dos luna.