Crucero a keda premia pa a yuda famia turista ‘pega’ na Aruba y transporta nan bek pa Merca

MIAMI – E compania di bapor cruceero Carnival Cruise Line a keda premia pa a yuda un famia pega na Aruba recientemente y cu a haya atencion internacional. NoticiaCla tambe a raporta riba e tema aki e tempo ey. Tabata durante e ceremonia di premiacion di e galardon KultureCity Human highlights recientemente na Miami cu a otorga e galardon na e compania crucero pa nan esfuerso extra ora cu nan a dicidi di transporta un famia pega na Aruba, pa motibonan di salud, sin gasto bek pa Merca. Esaki a sosode na luna di juni ultimo. Por corda con un famia cu a bay pasa vacacion na Aruba, a keda pega parcialmente ora cu un miembro di famia, cu ta autista, a haya problema cu e no por a biaha den avion. Esey a pone cu e famia mester a separa temporalmente. Parti di e famia a bolbe Merca, y e otro a keda Aruba. E crucero a tende di e caso y a opta pa transporta e resto di famia cu boto, gratuitamente bek pa Merca. Esaki tabata suficiente pa nan haya e premiacion cu a sorprende e compania aki.