- Aruba Ports Authority a keda sorprendi pa accion di 13 trahado awe
- Awor coriente no a bay un biaha sino dos biaha riba mesun dia
- Camara di comercio cu deadline pa registro di ‘UBO’
- Trahadonan di APA a drenta den accion awe mainta
- Pa di tres biaha den un siman coriente ta bay na Seroe Blanco, Tanki Leendert y besindario!
Croes: Pa 2050 Aruba mester ta ‘Klimaat neutraal’
ORANJESTAD - Pa 2050 Aruba mester ta ‘Klimaat neutraal’. Esaki kier men cu lo a logra elimina tur emision di CO2. Asina minister di energia Glenbert Croes a bisa dialuna mainta na e anuncio cu Aruba ta cla pa traha su di 2 parke di molina di biento. Segun e mandatario, esey ta nifica cu pa e siguiente añanan Utilities Aruba hunto cu WEB y ELMAR lo tin e tarea pa ehecuta e plan nacional di energia di Gobierno pa logra cu nos mes ta produci 45 pa 50 % di nos energia; cual lo ta limpi, renobabel y pagabel,.”Y pa 2050 nos lo por logra di ta “Klimaat Neutraal” Esta cu nos a logra elimina tur emision di CO2 of si tin mes; nos lo tin suficiente produccion di energia limpi pa compensa e cantidad di CO2 emiti. Entre e forma pa logra esaki, ta trahando cu Eagle LNG pa suministra WEB cu gas natural, como e fuel di transision, y tambe pa expande e energia di beinto cu e parke nobo. “Asina pronto nos lo yama ayo na HFO y bonbini na un futuro di energia mas limpi, renobabel y cu prijs stabiel” e mandatario a finalisa bisando.
Premier Wever ta sigura cu a logra baha cantidad di personal di gobierno
ORANJESTAD – Prome Minister Evelyn Wever-Croes ta sigura cu e la logra baha e cantidad di personal di gobierno durante su termino como premier. E ta bay asina leu di presenta e cifra di 13% menos persona. E ta usa como referencia, e Relato Anual 2023 di su ministerio E relato ta parti den 4 capitulo y e mandatario a elabora riba cada capitulo y paragraf corespondiente.
Tromp ta kibra silencio pakico a abstene di vota pa ley di matrimonio mesun sexo
ORANJESTAD – Ainda parlamentario Shailiny Tromp-Lee no por hustifica y defende su opinion riba e tema di matrimonio di mesun sexo. Y ta pesey e tabata e unico cu a abstene di vota diaranson anochi pa e ley. Algo cu segun Tromp-Lee, ta prome biaha cu e la haci den 7 aña cu e ta den Parlamento. Diahuebs mainta un dia despues di e votacion, Tromp-Lee a dicidi di ‘kibra e silencio’.
Ley di matrimonio pa pareha di mesun sexo a keda pega!! Parlamento a vota 10-10
ORANJESTAD – Despues di varios interupcion, mas bien pa falta di informacion y confusion, un total di 10 Parlamento a vota pro y 10 contra cu ta nifica cu tabatin un empate, pa cual a suspende e reunion pa e continua otro dia. Esnan cu a vota Pro, tabata e.o. Miguel Mansur A21, Misha Raymond Raiz, Raymond Kamperveen Raiz, Marisol Tromp Mas, Aquanette Gunn – Mas, Gerlien Croes Independiente, Mervin Wyatt Ras AVP, Mike de Meza AVP, Benny Sevinger AVP, y pa partido Setty Yarzagaray MEP. Esun cu a abstene di vota ta Shailiny Tromp-Lee. E otronan a vota contra.
VIDEO: Den disertacion emocional, parlamentario di MEP ta comparti con personal e ley matrimonio mesun sexo ta afekt'e
ORANJESTAD – Den un disertacion hopi emocional diaranson mainta den Parlamento, Parlamentario Setty Yarzagaray a comparti e parti personal cu ta tok’e cu e ley pa matrimonio di mesun sexo. Esaki pasobra e tin un ruman homosexual, cu a keda rechasa pa su propio famia. E la splica con esaki a afec’te y kico e ley ta nifica p’e, y e consecuencia di e ley aki.
Parlamento a cuminsa trata ley di matrimonio di mesun sexo mas laat y cu schorsing
ORANJESTAD – E reunion di Parlamento pa trata e concepto di ley riba matrimonio di mesun sexo a inicia awe mainta, un ora mas laat cu programa. Esaki debi cu partido MEP a pidi un schorsing na inicio. A resulta despues cu a dicidi cu ta cambia e reglanan unda cu esnan cu ta abstene di vota, por keda sinta den sala y ta conta como esnan cu a vota. E regla normal ta cu si bo no tey vota, bo mester bandona sala. Awor bo por keda den sala dus e cantidad di voto voor mester ta mas halto. Algo cu algun miembro di oposicion a critica ya cu esaki ta cay na nan desbentaha.
RAIZ : E harmonia di nos comunidad ta den man di Parlamento diaranson
ORANJESTAD — Partido RAIZ, miembro di coalicion den Parlamento a cuminsa ‘prepara’ comunidad di Aruba pa e reunion di diaranson awor, 8 di mei unda cu lo trata e concepto di ley riba matrimonio di mesun sexun. Titula,’ E harmonia di nos comunidad ta den man di e organo mas halto di nos pais’ e partido kier splica kico tur e ley mester nifica pa Aruba. E articulo ta sigui bisa cu ‘ Amor no tin color, ni sexo, of religion’.
Follow NoticiaCla
