Wever-Croes: Dos recomendacion di CAFt, gobierno ta nenga di cambia!

ORANJESTAD – Mientras cu Gobierno di Aruba ta den proceso pa evita un aanwijzing proximamente door di haci cambionan na e presupuesto 2022 pa ‘complace CAFt’, tin por lo menos 2 recomendacion di e colegio di supervision cu gobierno ta nenga di cambia. Den un reaccion pa noticiacla diabierna mainta, prome minister Evelyn Wever Croes a confirma esaki rotundamente. “Absolutamente cu no!” e mandatario a sigura e portal aki. Aki e ta referi na e.o. e decision di paga ambtenaar bek (LNT) y e otro ta cu ta cambia e parti di baha loonbelasting. 

NORMA 

Segun e mandatario, tin un diferencia di opinion entre e y e secretario di estado van Huffelen den esaki. Segun Wever Croes, Gobierno di Aruba no a cumpli. “Ami ta bisa, Gobierno a cumpli!:” e mandatario a sigui bisa. E palabracion segun Wever Croes, ta cu Gobierno ta entrega un ley na Parlamento den e contorno cu RMR a dicidi. Y segun e mandatario, e ley ta ensera e normering top inkomens por tin un periodo di transicion di apenas 2 aña y cu e salario mester ta basa riba salario corta di minister president sin tene cuenta cu e pensioen real di minister president pero cu un pensioen fictisio. “Consecuentemente e norma cu nan kier impone, ta mucho abou” e mandatario a bisa. Ademas e ta cuestiona cu e la keda sin haya contesta di 5 carta cu e la manda pa BZK pa bisa nan cu e decision no ta bon. “BZK ningun dia a contesta” e mandatario a bisa. E consecuencia ta cu e la dicidi di haci esaki toch, esta cu a haci e cambionan den e ley manera cu RMR a stipula, aunke e no tabata di acuerdo. Problema ta ora cu e la bay Parlamento unda cu e cambio a bin. E la pidi gobierno tambe pa no mara Parlamento den acuerdonan di gobierno. “Nos no a hacie, nos no ta hacie, y nos lo no hacie tampoco”. Segun e mandatario, Parlamento a hustifica e cambionan haci. 

LOONBELASTING

Lo no bay draai bek e tema di Loonbelasting tampoco, y si por, lo te hasta baha e loonbelasting un poco mas pa otro aña. Scucha e contesta AKI