Van Huffelen: A duna Aruba te September pa reacciona oficialmente riba aanwijzing

DEN HAAG – Conseho di Minister di Reino (RMR) a duna Gobierno di Aruba te comienso di September pa reacciona oficialmente (zienswijze) riba e aanwijzing cu tin riba mesa, riba conseho di CAFt. Ademas e mester percura pa pa e tempo ey, e pone e ultimo pasonan pa drecha e presupuesto 2022. Asina e secretario di estado Hulandes Alexandra van Huffelen a declara na su salida di e RMR awe diabierna mainta. “Aruba su presupuesto no ta den orden ainda” e mandatario a subraya, y e kier pa Aruba drecha esaki mas lihe cu ta posibel. Na September e ora (fin di September) RMR lo tuma e decision final.

ARUBA NO A HAYA AANWIJZING

Mesora awe mainta Gobierno di Aruba a saca un comunicado cu e cabez “Aruba no a haya aanwijzing”. A confirma tambe loke e mandatario hulandes a bisa. "Pa loke ta trata e aanwijzing: Aruba ta trahando riba e zienswijze den cual lo reacciona detayadamente riba e advies di CAft. RMR a indica di lo warda riba e zienswijze prome cu tuma decision. Segun e mandatario di Aruba, secretario di estado van Huffelen den su declaracion a bisa cu e ta spera cu no mester di aanwijzing. Awe mainta 8’or e mandatario Hulandes mes a programa un conferencia di prensa pa e duna su version oficial di e reunion di awe mainta. POtret cortesia AMIGOE. Por scucha e mandatario Hulandes AKI