Candela feroz diamars a percura tambe pa imagenan spectacular

ORANJESTAD – Mientras cu hopi hende tabata preocupa pa e posibel efecto di e candela feroz diamars na Daltra Antilles NV, e mesun suseso a percura pa crea imagenan increibel cu a keda estableci pa multiple fotografonan. For di tur skina, angulo y forma, potretnan y video a cuminsa circula riba rednan social y medionan di comunicacion. Y hopi di nan tabata simplemente spectacular. Un di nan, cu NoticiaCla a ricibi, ta cortesia di 297 spotters, di un avion lantando buelo y cu bista riba e huma diki. Otronan a saca potret for di e angulo di laman, otronan for di laira cu drone y un fila di auto banda di caminda na altura di Seri Teishi, grabando e momento serio aki, cu nan propio ekipo. Sea ta telefon, camera of otro forma, cada ken a usa nan creatividad y forma pa captura e momento serio pero alavez incredible cu a tene hopi di nos den gara pa varios ora largo diamars. Potret cortesia 297 spotters.