Aeroliña Sarpa ta aumenta buelo for di Colombia pa Aruba

MEDELLIN - E aeroliña Colombiano SARPA, cu sede na Medellin, a anuncia cu ta aumenta frecuencia di buelo pa Aruba for di tanto Medellin y Baranquilla. Esaki ta bira di dos pa tres buelo semanal pa cada ruta. Inicialmente tabata ofrece buelo di varios destinacion nacional colombiano, pero debi na gasto halto di e rutanan y gasoline caro, a para hopi ruta. Lo usa e avionan tipo Embraer ERJ 145 cu capacidad di 50 pasahero. E aumento lo percura pa 300 stoel pa siman riba e dos rutanan aki.