Polis colombiano ta investigando morto di dos turista hulandes

CARTAGENA – Polis Colombiano ta investigando e morto di dos turista hulandes na Cartagena. Ta trata di e pareha  Nienke Bawa (29) y  Bob Kootte (31), cu a fayece dialuna y diamars respectivamente despues di a bira malo ora cu nan a come na e hotel unda cu nan ta kedando. Nan a yega e ciudad diasabra, a come diadomingo y dialuna a bira malo. E dama a bira malo prome y haya un ataka y fayece, y su manece e pareha a fayece. Nan ta un pareha hopi conoci y popular y famianan obviamente ta den shock. Prensa Colombiano, entre nan El Tiempo tambe ta cubriendo e noticia aki. A descarta un overdosis di droga, manera cu prensa local tabata specula inicialmente. Cartagena ta un lugar popular pa turistanan di Hulanda. Mas probablemente nan a keda venena. Tabata na 2016 cu un otro pareha turista hulandes a fayece na Republica Dominicana despues di nan cena.