Koolman: Problema cu motor di recip a causa e blackoutnan awe

BALASHI – E problema cu a causa dos blackout dialuna mainta, tabata un fayo di motor di Recip, segun e director nobo di WEB Aruba NV, esta Alfredo Koolman. Ta un problema di motor, cu a bin ta duna nan retonan recientemente y cu nan no tin un grip ariba ainda. Manera ta conoci, ta den e fase cu ta reemplasando motor cu e turbinanan, y den e fase aki tin cosnan cu por bay malo. A papia tambe di cierto ‘kinderziektes’ cu e motornan nobo ta confrontando. E personal tambe tin cu siña bon con pa anda cu e motornan ainda y cu den situacionan asina, un blackout ta posibel. Loke ta pone cu e sistema a bira un blackout asina lihe, ta pasobra segun Koolman, cierto mechanismo no ta na lugar ainda cu a pone cu ora cu e situacion a presenta, cierto mechanism no por a activa pa evita e loke a sosode. Ta spera cu e proximo luna, por tin un mehoracion di e situacion y tabata papiando di e prome dos simanan di September unda cu lo tin cierto cosnan bou di control. Potret ta cortesia di Telearuba.