Motorciclista ta e di 5 morto den trafico pa Aruba

ORANJESTAD - Diabierna anochi pa 7:45 central di polis ta wordo notifica di un accidente entre un brommer y un pick-up ariba e caminda di San Miguel .

Patruya motorisa ta prome cu ta yega na e sitio y ta informa central di polis pa manda ambulance cu maximo urgencia pa e chauffeur di e brommer.Chauffeur di e brommer no tabata duna señal di bida. Ambulance ta presenta na e sitio y no por a haci nada mas pa cu e chauffeur di e brommer. Polis di trafico a presenta na e sitio como tambe polis technico pa haci e investigacion. Sllachtofferhulp a presenta na e sitio tambe. Pa 9:50 Dr Texier ta constata morto di Carlos Alberto Rojer naci na Aruba 30 di juli 1973 ( 49 aña).

Cuerpo Policial ta manda palabra di condolencia na famia di e fayecido.