DutchCulture Creative Europe Desk NL cu tayer gratis pa Aruba

ORANJESTAD - Dia 22 augustus lo tin un tayer gratis cu lo tuma lugar den Cas di Cultura tocante Creative Europe, e ta un programa di EU (Union Europeo) cu interes riba e sector cultural, creativo y audiovisual. 

E ta un bishita di trabou na Aruba, bou iniciativa di Jelle Burggraaff (Hoofd Mobiliteit & Advies/Creative Europe Desk NL) y Albert Meijer (Adviseur Creative Europe Desk NL) y lo tuma lugar dianan 22 te cu 24 augustus benidero.

Durante e tayer lo ta duna informacion con DutchCulture lo por duna sosten na artesanonan, artistanan y instancianan cultural, riba e forma con lo por  haci un colaboracion cultural internacional.

Creative Europe (2021-2027) ta un programa cu ta duna asistencia pa 7 aña caba y ta pertenece na comicion europeo, cu tin nan vision dirigi riba e sector cultural y audiovisual.

E programa ta consisti den dos parti : Cultura y media, cual bandi dje tin oportunidad pa haci areglo cu tin disponible pa promove projectonan. Creative Europe Desk NL ta e organo cu ta  duna conseho y informacion na Creative Europe pa Reino Hulandes. Creative Europe Desk NL ta duna conseho entre otro den sectornan cultural, creativo y audiovisual unda ta duna oportunidadnan y conseho con tur e sectornan por traha hunto y crea un colaboracion europeo ora di haci peticionnan por escrito.

Creative Europe Desk NL ta forma parti di DutchCulture, cu tin e conocemento internacional y ta un organisacion cu tin e network (red) cultural den reino hulandes.

E organisacion ta sostene sectornan cultural y creativo, instancianan gubernamental pa yuda nan realisa nan ambicionan riba tereno internacional. Esaki ta wordo realisa por medio di comparti informacion, duna conseho y training. Banda di esaki DutchCulture ta uni y sostene profesionalnan riba tereno cultural y creativo hunto cu organisacionnan cultural, gobierno y crea un network pa un colaboracion internacional.

Tayer 

Fecha : 22 augustus 2022

Localidad : Cas di Cultura, Vondellaan 2, Oranjestad

Orario : 10.00-12.00

Organisacion: DutchCulture | Creative Europe Desk NL den cooperacion cu CEDE

Aruba

Idioma di presentacion : Ingles

Tur artista, instancianan cultural cu tin e interes den un colaboracion cultural Internacional ta bon bini den e tayer aki.

Tin sigur preguntanan cu ta wordo haci manera: Kico e programa Creative Europe ta encera y ken tur por participa? Cua programa di financiamento europeo ta esnan cu ta yuda?

Kico ta DutchCulture y con e organanisacion aki por yuda mi pa mi engrandece mi network (red) Internacional ? 

Na final lo tin un momento pa crea bo mesun netwerk.

Pa mas informacion por tuma contacto cu Jelle Burggraaff (j.burggraaff@dutchculture.nl) y Albert Meijer (a.meijer@creativeeuropedesk.nl).

E bishita di trabou na Aruba lo tuma lugar di 22 augustus te cu 24 augustus. Fuera di Aruba, Jelle Burggraaf y Albert Meijer lo bishita Bonaire y Corsou. 

Lo forma un centro pa cooperacion internacional unda instancianan lo intercambia ideanan riba e posibilidadnan pa traha hunto cu financiamento di EU.