Hulanda mester a bolbe desmenti reapertura di frontera cu Venezuela

Hulanda mester a bolbe desmenti reapertura di frontera cu Venezuela

Posted on 08/11/2022 10:03 am AST | Updated on 08/11/2022 10:03 am AST

CARACAS – Embahada di Hulanda na Caracas un biaha mas a desmenti cu lo tin apertura di e frontera entre Venezuela y islanan ABC. Tabata diaranson mainta cu prensa Venezolano, basando nan mes riba un declaracion di director di turismo di Corsou na Caracas, a relata cu Rey di Hulanda lo a bisa cu falta solamente aprobacion di Venezuela pa habri e frontera bek. Pero e embahada a manda un tweet via e twitter account desmintiendo esaki. A sigura cu no tabatin cambio den e politica al respecto y cu e frontera lo keda cera te ora cu tin un decision diferente. “Cualkier anuncio lo wordo anuncia oportunamente y atravez di e canalnan oficial” e embahada a sigui bisa. Luna pasa caba tabatin un situacion asina unda cu informacion erroneo a keda publica de medionan Venezolano, pa cual mester a interveni y desmenti esaki. 

 

 

  • Un siman prome cu e tuma lugar, a cancela biahe di pareha Real Hulandes pa Vietnam

    Un siman prome cu e tuma lugar, a cancela biahe di pareha Real Hulandes pa Vietnam

    DEN HAAG – Rey Willem-Alexander y Reina Maxima a cancela nan bishita pa Vietman, un siman prome cu e biahe, debi na irregularidadnan na e pais asiatico. Nan a cancela e biahe, riba petiicon di autoridad di Vietnam. Ta bisa solamente cu ta pa ‘motibonan interno’ di e pais, pero no ta bisa kico exactamente ta e caso. E ta suficientemente serio pa e pareha Real cancela nan biahe.  

  • Parlamentario Hulandes a haya sota di comerciante durante reunion

    Parlamentario Hulandes a haya sota di comerciante durante reunion

    DEN HAAG – Un parlamentario pa partido PvdD (Partij voor de Dieren) Robert Barker a haya un sota ayera nochi durante un reunion di directiva. Segun Barker, e la haya e sota di un comerciante rabia. Tabatin un debate riba e maneho di casitanan riba beach na Scheveningen. Y tabatin doñonan di e casitanan eynan. Y nan a rabia debi cu gobierno lo no a tene cuenta cu e casitanan aki den nan plan di destino.  Ora cu e reunion a continua, Barker a informa cu porta e ta mustra poco turdi, pero esey tabata pasobra un rato prome, e la haya un sota di un comerciante envolvi. Polis a saca e comerciante for di e sla. 

  • Putters: Gabinete normal nobo Hulandes di mayoria no ta posibel

    Putters: Gabinete normal nobo Hulandes di mayoria no ta posibel

    DEN HAAG – E partidonan Hulandes PVV, VVD, NSC y BBB mester bay negosha riba un ‘gabinete di programa’. E cuater partidonan en cuestion mester cera un acuerdo conciso riba puntonan principal prome, den cual ta stipula e metanan y e cuadro di maneho. Despues   un ekipo di minister y secretarionan di estado mester desaroya un programa di gobernacion con tin cu logra e metanan stipula. Esey ta e conseho principal cu informador Kim Putters a entrega na e presidente di Tweede Kamer diahuebs. 

  • Website nobo di Arubahuis a bai online

    Website nobo di Arubahuis a bai online

    DEN HAAG  – Minister Plenipotenciario di Aruba mr. Ady Thijsen y director di Gabinete di Aruba mr. Joselin Croes a haci e lansamento di e website nobo di Gabinete di Minister Plenipotenciario di Aruba. Esaki a sosode den presencia di e personal di Gabinete di Aruba.

  • Despues di basta tempo Van Huffelen ta bishita Aruba otro siman

    Despues di basta tempo Van Huffelen ta bishita Aruba otro siman

    DEN HAAG - Despues di basta tempo di no a bishita nos isla, otro siman secretario di estado Hulandes Alexandra van Huffelen ta bishita Aruba atrobe. E la bishita e islanan di Caribe Hualndes frecuentemente pero a evita Aruba ya cu no tabatin progreso pa cu e combersacionan. Asina e mes a confirma pa e portal aki algun tempo atras. SIman pasa e mandatario a topa si caba na Hulanda cu prome mandatario di Aruba Evelyn Wever Croes, aunke no a logra yega na otro pa loke ta e reduccion di interes halto pa e refinanciamento di e debe di Covid. Di 19 te ku 26 di mart 2024 Sekretario di Estado Alexandra van Huffelen di Relashonnan den Reino ta realisá un bishita di trabou pa Aruba, Kòrsou i Sint Maarten. Pa gran parti e bishita aki ta den lus di e Akuerdo Mutuo Kolaborashon pa Reformanan. Den e kuadro aki na tur tres pais e Sekretario di Estado ta hiba kombersashon ku e minister presidente i otro ministernan tokante e kolaborashon i ehekushon i progreso di e Pakete di Pais. Tambe e mandatario ta papia tokante di e apertura di e Fondo Nashonal di Kresementu i e areglo di SDE++ pa e paisnan. 

  • Hulanda: Wilders no ta bira premier y lidernan di partido ta drenta Tweede Kamer

    Hulanda: Wilders no ta bira premier y lidernan di partido ta drenta Tweede Kamer

    DEN HAAG- E lidernan politico Hulandes di PVV, VVD, NSC y BBB ta dispuesto pa bay Tweede Kamer si logra forma un gabinete nobo. Un di e condicionan ta cu e lider di patido PVV Geert Wilders no bira prome minister. A base di esaki, nan ta dispuesto pa sigui papia. Cu esaki e posibilidad pa un gabinete extraparlamentario, ta bira mas viable. Cu e cambio aki, ta mustra cu mayoria di e ministernan y secretarionan di estado por bin di pafo di politica, pero si por ta miembro di un partido politico. Un gabinete asina tin relacion special cu Tweede Kamer, pero no tin un programa di gobernacion detaya. 

  • Powered by SETAR