Durante control di weekend, polis a confisca arma, auto y detene hende

MACUARIMA - Durante control di weekend pasa, polis a confisca arma, auto y detene hende. Cuerpo policial a raporta awe cu tabatin diferente control durante fin di siman tras di lomba.

Districto di San Nicolas tambe a forma parti di e listramento preventivo pa arma di candela como tambe droga. Polisnan atento durante un control preventivo ta para un auto Nissan Sentra na Pos Chiquito cu tres persona aden. Durante e control riba un di e personanan, a topa cu un arma di candela.  Dibiaha a bay over na detene tur tres persona y a confisca e arma di candela como tambe e auto. 

Pa resumi polis di San Nicolas a haci un total di 15 detencion, a para 24 auto pa controla , a duna 9 multa, tambe a controla 11 establecimento y a fouilleer (listra) por lo menos 75 persona. 

Cuerpo Policial ta bay keda haci e controlnan aki. Automobilista percura pa bo tin bo documentonan na ordo. 

Cuerpo Policial kier a recorda tambe si bo ta bebe no stuur y si bo ta stuur no bebe. 

No pone bo bida ni di otro den peliger. Ban hunto logra un trafico sigur.