DOW: Trabounan a cuminsa pa traha e rotonde na cruzada di Elmar na Playa

Posted on 08/5/2022 8:55 am AST | Updated on 08/5/2022 8:56 am AST

ORANJESTAD – E siman aki (diaranson anochi) DOW a cuminsa cu e trabounan pa traha e rotonde na altura di e cruzada di Elmar na Playa. Pa esaki, a ‘frees’ full e crusada cu lo haya un capa di asfalt nobo.

Siguiente trabounan ta: warda departamento di Riolering keda cla cu ponemento di tubo pa RWA (Regen Water Afvoer) pa asina departamento di Infra por cuminsa coba y traha e rotonde.

Tambe a informa cu tin un desviacion extra (banda di Cooks Restaurant/dilanti On the Rocks Cafe) pa asina por yega Wilhelminastraat. E trabounan lo dura dos siman largo. Tene cuenta cu esaki!

  • Zulo
  • Powered by SETAR