DOW a anuncia cu lo bin cu rotonde na cruzada Elmar/Cooks Restaurant

ORANJESTAD – Manera cu Noticiacla a raporta den fin di siman caba riba su pagina di Facebook, DOW a anuncia cu e siman aki nan ta bay cuminsa cu construccion di un rotonde ‘chikito’ unda cu aworaki tin e cruzada di NV Elmar/Cooks Restaurant. Ta trata di un ‘overrijdbaar rotonde’, manera cu tin aworaki na e cruzada di ex Marathon. 

MAS INFORMACIONE siman aki DOW lo informa riba e fecha exacto cu lo cuminsa cu e rotonde aki. A menciona delanta caba cu lo traha riba esaki parti anochi, y den dia e cruzada lo ta habri. 

CRITICAOra cu noticiacla a anuncia esaki den weekend, e comentarionan a cuminsa circula y e opinionan tabata ‘mixto’, unda cu e comentarionan tabata positivo cu porfin ta soluciona e problema di luz di trafico, mientras cu tabatin critica riba e forma y tempo cu ta tuma pa traha un rotonde, comparando esaki cu esun na Palm Beach. Mester bisa si cu e dos tipo di rotondenan ta completamente diferente, pero asina mes tabatin critica, ya cu hopi ta pensa cu e forma con DOW ta anda cu trahamento di rotonde, mester ta mas professional.