Alto Comisario nobo ta cuminsa traha aki dos siman na Aruba

Alto Comisario nobo ta cuminsa traha aki dos siman na Aruba

Posted on 07/28/2022 9:38 am AST | Updated on 07/28/2022 9:40 am AST

ORANJESTAD – E proximo Alto Comisario pa Aruba Ramon Arnhem (40) ta cuminsa traha den su funcion dia 15 di augustus proximo. Asina minister di husticia Rocco Tjon a confirma pa noticiacla diahuebs mainta. Tabata na februari ultimo cu e mandatario a confirma e noticia di e escohencia di e persona aki cu ta un Hulandes di mayornan Surnameño. Desde e anuncio, no a tende nada mas y como cu a bisa cu e persona lo a cuminsa traha na juli of augustus, a dicidi di check kico ta kico. No ta conoci ki dia e lo yega Aruba si. 

KEN TA E COMISARIO NOBO

Investigacion di e portal aki, ta mustra cu sr Arnhem ta casa cu dos yiu, y ta e hefe di districto Ijselland, den provincia Overijsel. E ta maneha 800 agente policial pa un area di 500 mil persona parti den e ciudadnan Zwolle, Deventer, Kampen, Steenwijk, Ommen y Staphorst. E ta un di e poco hendenan di ‘color’ na cabez di e cuerpo y ta considera su mes un AfroHulandes  cu raiz den Africa, sur America y Europa. Aunke cu e tabata minoria den su ciudad, e la pasa bon tempo toch. Enseñansa no tabata su punto di mas fuerte, y su trayecto educacional tabata uno largo pero cu finalmente toch a paga. Despues un hubentud turbulento y  trompeca hopi, finalmente e la logra caba su estudio na Universidad di Amsterdam y a bira sociologo. E carera di polis e tin danki na su welo surnameño, cu e kier a sigui semper den funcion. Un passion di dje ta boxeo, unda cu na comienso e la hera core bay pa esaki. Na final e la sigui y bira campeon boxeo cu sigur ta un logro grandi p’e, considerando su pasado. Awe, cu e titulo di drs, e ta maneha un cuerpo di polis, ta kere den inclusion y ta bira e proximo hefe di polis na Aruba. Potret cortesia destentor

  • Warda Costa a intercepta boto cu mas di 1600 kilo di droga

    Warda Costa a intercepta boto cu mas di 1600 kilo di droga

    KRALENDIJK - Un biaha mas Wardakosta ta intersepta go-fast ku mas di 1600 kilo ku droga. Zr.Ms. Groningen, ku aktualmente ta nabega pa Wardakosta di Karibe Hulandes ta hasi’e bastante difísil pa narkotrafikantenan den Region di Karibe Hulandes. E barku patruyero ta nabegá den e area for di aprel 2022. For di e tempu ei ya por a agregá algun kaptura di droga riba su lista di konteo. Ayera un kaso mas a bini aserka ku mas di 1.600 kilo di mariwana. E total kantidat di kontrabanda ku Wardakosta a konfiská ta yega awor na mas ku 5.500 kilo.

  • Wardacosta a intercepta di cuater, di sinco y di seis transporte di droga den tres siman

    Wardacosta a intercepta di cuater, di sinco y di seis transporte di droga den tres siman

    WILLEMSTAD - Siman pasa diamars y diaranson un boto di patruya Metal Shark di e punto di sosten di Wardacosta na Aruba, den colaboracion ku unidatnan di avionnan di Wardacosta, a detene dos boto, durante cual un total di casi 500 kg contrabanda a keda confisca. Dos Colombiano, un Venezolano, y dos Arubiano a keda detene dene caso aki. E droga y e sospechosonan a keda entrega na e Unidat contra Crimen Organisa di Cuerpo Polisial di Aruba, ku ta sigui ku investigacion di e casonan.

  • Durante control di weekend, polis a confisca arma, auto y detene hende

    Durante control di weekend, polis a confisca arma, auto y detene hende

    MACUARIMA - Durante control di weekend pasa, polis a confisca arma, auto y detene hende. Cuerpo policial a raporta awe cu tabatin diferente control durante fin di siman tras di lomba.

  • KPA: Lo cuminsa controla si muchanan bou 12 aña ta sinta patras den auto

    KPA: Lo cuminsa controla si muchanan bou 12 aña ta sinta patras den auto

    MACUARIMA - Cuerpo Policial a informa cu lo cuminsa controla pa cu e muchanan bao di 12 aña cu mester ta sinta patras den auto. E  control lo ta den tur bario na unda cu tin scol preparatorio  y  scol basico. E motibo ta cu Cuerpo Policial a ripara un aumento den accidente cu muchanan menor di edad envolvi, entre otro muchanan bao di 12 aña. Polis  tambe a constata cu hopi biaha mayornan y tur esnan cu ta transporta muchanan bao di 12 ana , no ta pone e muchanan sinta patras y/of si nan sinta patras mes, nan no tin e faha di seguridad bisti of nan no ta sinta den un childseat mane ley perscribi. 

  • KPA: Por cuminsa entrega formulario pa permiso pa benta di klapchi pa aña 2022

    KPA: Por cuminsa entrega formulario pa permiso pa benta di klapchi pa aña 2022

    MACUARIMA -  Cuerpo Policial Aruba ta informa na tur esnan cu kier bende klapchi pa aña 2022 cu nan por cuminsa entrega e formulario di peticion pa cu esaki. E formulario por wordo entrega solamente na warda di polis Sta Cruz situa na Macuarima. Por entrega e formulario desde dialuna 1 di augustus 2022 te cu diabierna 11 november 2022. Cuerpo Policial ta informa cu despues di e fecha menciona, no lo acepta ningun formulario pa peticion pa permiso pa  benta di klapchi.  Tene esaki bon na cuenta!

  • Dos polis reconoci pa a salba bida di un criatura dia 18 di maart ultimo

    Dos polis reconoci pa a salba bida di un criatura dia 18 di maart ultimo

    MACUARIMA - Recientemente na Centro di Husticia na Santa Cruz a tuma lugar un reconocimento na dos agente policial pa cu un incidente cu a tuma lugar dia 18 maart 2022.

  • Powered by SETAR