Merca ta sugeri intercambio di prisoner cu Rusia pa haya basketbolista Mericano bek

WASHINGTON – Merca a ofrece un intercambio di prisoner na Rusia pa asina logra libera e basketbolista femenino professional Brittney Griner y un otro americano ex soldat Paul Whelan. Griner ta deteni riba sospecho di traficacion di droga y e Whelan pa spionaje. E intercambio no ta nobo sino un sugerencia di algun siman bieu segun minister di relacionan exterior Mericano Anthony Blinken. E Ruso deteni na Merca pa traficacion di arma, ta sintando un castigo di 25 aña di prison. E lo ta e Ruso cu lo forma parti di e intercambio.