Arends: Na augustus ta stop di acepta desperdicio di tire na Dump

ORANJESTAD – Entrante 22 di augustus 2022, no ta permiti pa trece desperdicio di tire mas na Dump na Parkietenbos. Asina minister encarga cu Medio Ambiente Ursell Arends a innforma diabierna. Esaki ta parti di e plan di redireccion di desperdicio.  E prome tipo di desperdicio lo ta taira. Motibo pa e escogencia aki tin di haber cu e hecho cu e coleccion di taira ya caba ta basta organisa den sector comercial, y e necesidad urgente di sigura cu ningun candela tuma luga mas riba e tereno di Parkietenbos.

E mandatario a splica cu e resultado di e forum di Trash 2 Cash a identifica dos compania cu por procesa taira den forma efectivo actualmente, cual ta Ecotech y Carentra. Desde 22 di augustus 2022, tur desperdicio di tire lo mester wordo deposita na un di e dos localidad nan aki.