Parlamento kier Hulanda confirma cu no ta contento cu a cambia LNT

ORANJESTAD – Parlamento a pidi prome minister Evelyn Wever diahuebs pa pidi Hulanda cu pa nan, Aruba no a cumpli cu e condicion stipula di pasa e Landsverordening Normering Topinkomens (LNT), deb cu Parlamento a opta pa cambia e ley recientemente. Presidente di Parlamento Edgar Vrolijk a confirma cu kier tende esey di Hulanda, y cu si ta berdad cu Hulanda ta haya cu Parlamento no por usa su derecho di trece cambio den ley. “Ya nos sa nos rol nobo den reformanan” Vrolijk a bisa. Vrolijk y mayoria di parlamentario no a aprecia e gesto di Hulanda unda cu ta mina e autoridad di Parlamento. Esey ta locual nos kier pa Hulanda pone por escrito cu gobierno di Aruba no a cumpli paso nos a usa nos derecho” Vrolijk a bisa. “Niun momento e ta e intencion pa cambia e ley bek. E ley ta afgekondigd y ta drenta na vigor dia 1 di augustus!” “  Y si tabatin duda, a splica cu no tabata intencion di e reunion di diahuebs, e bijeenkomst pa cambia e ley bek. “E ley ta afgekondigd y ta drenta na vigor dia 1 di augustus!” sr Vrolijk a sigura noticiacla. 

E REUNION

Durante e reunion, Parlamentarionan un pa un a mustra nan disgusto pa e loke nan ta tende di Hulanda y a sinti nan mes mas bien insulta pa Hulanda mirando cu ta mina cu nan autoridad un biaha mas. Mayoria Parlamentario cu a hiba palabra, no tabatin bon palabra pa e hecho cu Hulanda a rechasa e echo cu a cambia e ley menciona, ya cu ta autoridad di Parlamento pa haci esaki si e ta kere cu ta necesario. Cu esaki, nan ta sinti cu Hulanda ta pasando su limite y cu ni na Hulanda gobierno Hulandes no ta bisa Tweede Kamer kico pa haci, sino ta net contrario. Pues aki ta mescos y cu gobierno Hulandes mester respeta e constitucion pa cu esey. Parlamentario Benny Sevinger sinembargo a mustra e echo cu porta riba papel Aruba su Parlamento tin poder, pero e realidad amargo ta otro y cu pa masha tempo, Aruba no tin nada mas di bisa, y esey ta inclui Parlamento. Ademas algun Parlamentario di oposicion a cuestiona e hecho cu ta bisa cu ta paso Parlamento a cambia e ley, Aruba ta haya un aanwijzing, siendo cu den e carta cu motivacion di CAFt, ningun caminda esaki ta aparece den e carta como un di e motibonan. Pues cu e realidad lo ta otro.