Gobernador di Aruba a tene caminata cu grupo di mucha y mayor, den naturalesa

ORANJESTAD - Awemainta Gobernador di Aruba Alfonso Boekhoudt   a tene un caminata cu algun mucha (y tambe algun mayor) den cuadro di Buki di Pret (Buki di pret Aruba). Nan por a disfruta di naturalesa di Spaans Lagoen y na mes momento siña identifica algun di e matanan y e shoco endemico na peliger di extinsion. “Nos a toca e tema importante di nos 4 tipo di mangrove (mata di mangel), y di esfuerso di compensacion y recuperacion ora cu naturalesa wordo afecta pa actividad humano. Mas nos siña di nos naturalesa di Aruba, mas nos lo siña stim’e y cuid’e” Gobernadora a finalisa bisando.