Ministerio Publico a cera caso di dentista Kawaiah cu un multa

ORANJESTAD - Ministerio Publico diabierna merdia a anuncia cu nan a cera caso penal contra e supuesto dentista Kawaiah cu un multa. Esey kier men cu e no tin cu confronta un caso legal mas. Cu pago di un multa halto, e ta keda cla cu husticia. 

E CASO 

Manera ta conoci, riba 22 di juni ultimo a detene A.A. Kawaiah riba sospecho di falsificacion y di a realiza actonan den cuido medico en contra di Ley di Calidad den Cuido Medico (Landsverordening Kwaliteit in de Gezondheidszorg). El a keda deteni ocho dia y a wordo poni den libertad despues.

MULTA

Ministerio Publico a cera e caso penal contra A.A. Kawaiah cu un multa. El a paga e suma maximo di 25.000 florin. Si lo a yega asina leu cu a hiba A.A. Kawaiah dilanti Corte, e lo a posiblemente haya un castigo den forma di trabao pa comunidad y/of un multa. Segun Ministerio Publico, pagando e suma maximo ta cuadra cu e seriedad di e hechonan y un caso penal no ta necesario mas.