Van Huffelen ta comparti preocupacion di CAFt pa cu situacion di Aruba

Van Huffelen ta comparti preocupacion di CAFt pa cu situacion di Aruba

Posted on 07/6/2022 5:36 pm AST | Updated on 07/6/2022 5:49 pm AST

DEN HAAG – Secretario di Estado Hulandes Alexandra van Huffelen ta hopi preocupa y ta comparti e preocupacion di e situacion cu e colegio di supervision financiero CAFt riba e situacion financiero di Aruba. Asina e mandatario a contesta dos miembro di Tweede Kamer (Kamminga di VVD y Van den Berg di CDA awe diaranson pa medio di un carta. Di otro banda, e ta bisa tambe cu ta mucho tempran pa papia di un aanwijzing (instruccion) pa e isla debi cu e proceso ey ainda (corespondencia entre e colegio y gobierno di Aruba:red) ta andando. E raiz di e preguntanan ta basa riba un articulo negativo di nos isla cu a sali luna pasa riba e tema. 

PREOCUPA

E mandatario a confirma cu e ta comparti e preocupacion grandi di CAFt, y ta considera cu un debe di Aruba di riba 100% di e PIB y un economia hopi vulnerable, hopi preocupante. Mas aleu e ta bisa cu en caso e debe nacional ta e consecuencia di e prestamo di likides Hulandes, no tin casi consecuencia financiero directo pasobra Hulanda no ta pidi interes pa e debe cu ta vence otro aña October. “Indirectamente un aumento di debe por aumenta e tarifa di interes cu Aruba tin cu paga” e mandatario a bisa. Esaki por tin un efecto na 2023 ora cu Aruba mester bay refinancia su debenan local y internacional. “Si dado caso Aruba no sigui e regla di RMR y consehonan di CAFT, e retraso den pago di Aruba por aumenta. Esaki pasobra e ora e pais ta haye cu mas debe cu e tin forma na placa likido den caha. Esey por crea problemanan di pago agudo si creditornan cuminsa exigi nan propiedad y Aruba no por cumpli. 

WARDA E PROCESO

A haci e pregunta na e mandatario si e ta cla interveni den caso di incumplimento di Aruba, riba cual e mandatario a informa cu tin e trayecto andando conforme articulo 11 di e LAFT unda cu partidonan ta scuchando otro nan comentario riba e tema y no kier stroba esaki. Loke si e la bisa di a haci, ta di hala atencion di gobierno di Aruba riba e tema aki. Mes momento e mandatario a bisa cu e kier wak con e proceso actual ta cana, y no mete door di contesta cierto puntonan awor. E no por a bisa kico e efecto di e maneho hiba riba presupuesto ta riba e agenda di reforma acorda, pasobra e no conoce esey. “Ta responsabilidad di e paisnan pa pone sufficiente medida disponible pa cu e ehecucion di e landspakketnan” e mandatario a finalisa bisando. Por lesa e carta completo AKI

 

 

 

 

 

 

  • Hasta KNMI ta spera un temporada di horcan 2024 super activo pa laman Caribe

    Hasta KNMI ta spera un temporada di horcan 2024 super activo pa laman Caribe

    DEN HAAG – E instituto Real Meteorologico di Hulanda KNMI ta spera un temporada di horcan hopi activo pa 2024. Asina e instituto ta bisa den su raportahe awe riba su porta. E temperaturanan den laman ta hopi cayente cu ta net loke e sistemanan tropical mester pa fomenta e ciclonan den Atlantico y Caribe. “E temperature cayente por tin hopi influencia riba e temporada di horcan di 2024” KNMI ta bisa. “Nos ta spera un temporada di horcan hopi activo mes”.

  • Defensa Hulandes ta suministra pompnan mobil di emergencia na kazernenan di Marina na Aruba

    Defensa Hulandes ta suministra pompnan mobil di emergencia na kazernenan di Marina na Aruba

    DEN HAAG - Instituto Hulandes pa Siguridat Públiko (Nederlandse Instituut voor Publieke Veiligheid (NIPV) awe ta transferí tres pòmp mobil di emergensia i nan baki ku slan pertenesiente, na Brantwer di Marina. Dentro di poko tempu nan lo bai pa Kòrsou i Aruba.  E sistema di kònteinernan HCP aki ta  intenshoná pa kazèrnenan di Marina riba e islanan. Pero Brantwer lokal tambe por hasi uso di nan na momentu di inundashon.  Brantwer di Marina i NIPV awe a firma e akuerdo di transferensha.

  • Wever: Grupo Hulandes kier bin cu ‘Ferris Wheel’ den Oranjestad

    Wever: Grupo Hulandes kier bin cu ‘Ferris Wheel’ den Oranjestad

    SCHEVENINGEN – Siman pasa diabierna Minister Geoffrey Wever a haci un bishita na The Pier Skyview na Scheveningen, Hulanda, unda e mandatario a reuni cu interesadonan priva cu a expresa nan entusiasmo pa introduci un atraccion similar na Aruba, specificamente den e ciudad di Oranjestad.

  • Minister Thijsen: Aruba kier ta mas visible na Hulanda riba tema di structura estatal

    Minister Thijsen: Aruba kier ta mas visible na Hulanda riba tema di structura estatal

    DEN HAAG  –Minister Plenipotenciario mr. Ady Thijsen y esposa a tene un recepcion pa celebra Dia di Himno y Bandera na Hulanda. Desde 2015 Arubahuis ta tene un recepcion pa invitadonan for di e mundo politico, embahadornan, functionarionan halto di Estado of di ministerionan cu lasonan estrecho cu Aruba. Tambe miembronan prominente for di e comunidad Arubiano na Hulanda y representantenan commercial y di institutonan di enseñansa tanto riba nivel di HBO como Universidad.

  • Hulanda investigando morto di dos tripulante riba barco crucero Holland America Line

    Hulanda investigando morto di dos tripulante riba barco crucero Holland America Line

    AMSTERDAM – E Conseho di Investigacion pa Seguridad Hulandes (OVV) ta investigando un accidente riba un barco crucero di Holland America Line di siman pasa. Riba e barco Nieuw Amsterdam, cu ta nabega bou di e bandera Hulandes, tabatin un accidente unda cu dos tripulante a fayece. Esaki a sosode den cercania di Bahamas, ora cu algo a pasa den camber di motor.  Segun informacion, tabatin un explosion. E barco a sali dia 16 di maart ultimo for di Ft Lauderdale pa un crucero di un siman. 

  • Corant a faya! Ex politico Hoogervorst no ta candidato pa prome minister

    Corant a faya!  Ex politico Hoogervorst no ta candidato pa prome minister

    DEN HAAG – E corant Hulandes AD a retira e articulo cu e prominente di partido VVD Hans Hoogervorst ta wak su mes como candidato pa prome minister nobo di Hulanda den e proximo gabinete. “Nos ta ofrece nos disculpa pa e conmocion crea’ e corant ta raporta. Aparentemente un persona a presenta sum es como Hoogervorst y e corant a cay pa e trampa. E motibo di cu nan a revoca e noticia, ta pasobra e  ex politico a menasa di cuminsa un investigacion forensico pa cu e forma con e noticia a keda publica.  E tabata un periodo caba for di bista como politico, y tabata den pasado ex minister di finanza y salud. Segun Hoogervorst, nunca e la papia cu e corant. E corant sinembargo tabata convenci cu esey tabata e caso si. Pero despues a dicidi pa revoca e noticia toch. 

  • Powered by SETAR