Officialmente e recall di boternan di Heineken cu ‘draaidop’ no ta conta pa Aruba

AMSTERDAM – Recientemente e doñonan di e compania Hulandes di cerbez Heineken a saca un alerta pa recall di e boter di 25cl cu tin un tapadera di schroef of ‘draaidop’. Ta trata di e boternan chikito pa Heineken Original, Heineken 0.0. y Heineken Silver. E problema ta cu tin un chens cu pida glas di e parti abou di e boter ta los ta y por drenta den e contenido di e boter. Tin un serie di boter den cual esaki ta aparece, y cu a wordo bendi na consumidornan door di supermercadonan, y mas. Como tal a haci un recall di e tipo di boternan aki.

Problema ta cu mientras cu e boternan aki ta destina solamente pa mercado Hulandes, noticiacla a compronde cu tin companianan grandi na Aruba cu lo ta bendiendo esaki, sin autorisacion. Ta buscando e info di e companianan aki ainda. Mientrastanto noticiacla a acerca e compania Romar Trading, como e importador oficial pa Heineken na Aruba, cu a confirma cu nan no ta bende y of importa Heineken draaidop (schroef) na Aruba. Pa mas informacion riba e tema, click AKI.