ORANJESTAD – Contrario na e otro islanan den Caribe, Aruba a opta pa no usa un emisora dedica den tempo di emergencia manera e pasada awe di e disturbio yama PTC #2. A opta pa usa e metodo di semper, esta di informa via Rampenbureau cu na su turno ta pasa e informacion pa medionan di comunicacion local cu tin e tarea pa suministra e informacion. A splica cu un di e motibonan ta e inversion den un emisora asina, ta hopi costoso y e cantidad di persona riba nos isla, no ta hustifica e inversion ey. Ademas, e lo causa un disgusto entre emisoranan si scohe uno cu ta haya e trabou pa den calamidad, ta e unico cu por transmiti informacion.
RARO
Noticiacla a cuestiona esaki durante e conferencia, indicando cu ta masha normal cu ta usa un emisora, cu ta apto y tecnicamente capacita pa ora cu no tin coriente mes, e si tin e facilidad na lugar pa por sigui transmiti un señal. Tur pais tin’e, incluyendo e isla di Corsou, a dedica un emisora pa e fin ey netamente.
ORANJESTAD - Entrante augustus 2024 e alumno di klas 1 lo siña lesa y skirbi na Papiamento. A organisa un trayecto di preparacion pa asina ekipa e cabesante y e maestro di klas 1 di scolnan basico (basisschool) cu e hermentnan necesario pa por implementa e parti aki di e maneho nobo di idioma den scol.
ORANJESTAD - Entrante 18 di april 2024, pa 9or di anochi via TeleAruba, Aruba completo lo por cuminsa presencia e serie documental ‘Blue Lizard Effect’. Un serie documental revolucionario cu ta profundisa su mes den e mundo fascinante di Aruba, pero di un angulo diferente. E serie ta explora e concepto energetico di felicidad y e conexion profundo cu e cultura, e hende, y naturalesa di e isla.
ORANJESTAD - Na Aruba ta conoci cu 131 ta un organisacion cu banda di su propio proyectonan, ta desaroya y implementa proyectonan pa diferente organisacion Internacional aki na Aruba. Na 2023 131 a ser acerca pa Pan American Development Foundation pa desaroya un proyecto cu ta stimula empatia bao di hobenan local y migrante pa cu otro.